Garrantzitsua

Etxeko tratu txarren eta/edo sexu-erasoen biktimentzako orientazio soziala eta legala

Indarkeria matxistaren biktima diren emakumeak > Tratu txarrak jasaten dituzten emakumeei edo familiei laguntza ematea

Fitxa osoa kontsultatzen ari zara. Hemen informazio laburtua.

Zertan datza zerbitzu hau?

Gizarte-zerbitzu espezializatua, tratu txarren edo sexu-erasoen biktima diren pertsonei arreta soziojuridikoa eta psikosoziala ematen diena, genero-ikuspegitik eta indarkeriaren biktima diren emakumeen ahalduntzea bultzatzen duen ikuspegiarekin (2.7.5 fitxa).

Era integralean lantzen dituzte gizarte- eta hezkuntza-arloko eta esku-hartze psikosozialaren eta, hala badagokio, esku-hartze terapeutikoaren beharrak, bai eta tratu txarren edo sexu-askatasunaren aurkako ekintzen ondoriozko aholkularitza soziojuridikoaren beharrak ere.

Bere helburuak honako hauek dira:

  1. Biktimak babestea.
  2. Biktimei, eta haiekin bizi diren beste pertsona batzuei, eragindako kalte traumatikotik errekuperatzen laguntzea.
  3. Emozionalki errekuperatzen eta autoestimua hobetzen laguntzea, distantzia hartuz eta erasotzaileen banaketari aurre egiteko beharrezko gaitasunak eskuratuz.
  4. Prozeduretan laguntza soziojuridikoa jasotzea eta/edo tratu txarren eta sexu-erasoen ondoriozko gatazkak arintzea.

Nork jaso dezake zerbitzu hori?

  • Tratu txarren edo sexu-askatasunaren aurkako egintzen biktimak.
  • Emakume horien inguruko senideak eta gertukoak eta informazioa edo aholkua eskatzen duten profesionalak.
  • Biktimarekin bizi diren pertsonak.

Zein baldintza zehatz bete behar dira zerbitzua eskatzeko?

Ez da inolako administrazio-baldintzarik eskatuko.

Zenbat balio du zerbitzuak?

Doako zerbitzua.

Nori dagokio zerbitzu hori ematea?

Foru Aldundien ardura da zerbitzua ematea.

Non eska dezaket zerbitzua?

SATEVI-Indarkeria matxistaren biktima diren emakumeentzako informazio eta arreta zerbitzu espezializatua

Telefonoa: 900 840 111
  • 24 orduz, asteko 7 egunetan.
  • Ez du arrastorik uzten fakturan.
  • Eskuragarria 51 hizkuntzatan.
  • Entzumen- edo hizketa-desgaitasuna duten pertsonentzako zeinu-hizkuntzako interpretea.
Web orrira sartu

Informazio gehiago

Zure auzo, udalerri edo eskualdeko Oinarrizko Gizarte Zerbitzuetan ere informazioa eska dezakezu.

Esaiguzu zure udalerria eta harremanetarako lekuak eta datuak adieraziko dizkizugu.

Zer arauk ezartzen du zerbitzu hori?

Zorroaren jatorrizko fitxarako sarbidea

Informazio gehiago:

Fitxa laburrera itzuli