Bitartekaritza, familiari gatazkak adiskidetasunez konpontzen laguntzeko (dibortzioa, zaintza…)
Herritar guztiak > Familiari gatazkak adiskidetasunez konpontzen laguntzeko bitartekaritza
Fitxa osoa kontsultatzen ari zara. Hemen informazio laburtua.
Zertan datza zerbitzu hau?
Familia Bitartekaritzako Zerbitzua zerbitzu publikoa, borondatezkoa eta doakoa da. Hirugarren pertsona inpartzialek eta adituek ingurune neutral batean esku hartzen dute, eta familia- edo bikote- testuinguruan garatzen da.
Bitartekari profesionalak ez du bere kabuz erabakirik hartzen. Aitzitik, aldeek erabakitzen dute zer gatazka duten, eta haiek adosten dituzte (edo ez) dagozkien akordioak. Hau da, familia-bitartekaria lanbide-figura espezializatu, inpartzial eta independentea da, eta familia-gatazken egoeretarako konponbide gogobetegarriak eta adiskidetsuak lortzea ahalbidetzen duten komunikazio-bideak irekitzea ahalbidetzen du modu extrajudizialean.
Familia-bitartekaritzako zerbitzu integraletik artatutako gatazkak honako hauek izan daitezke:
- Bikotea hausteak eragindako gatazkak, honako hauekin zerikusia dutenak: seme-alaben zaintza eta jagoletza esleitzea; zaintza partekatuaren esparruan adostu beharreko alderdiak zehaztea; zaintza ez duen gurasoaren edo beste senitarteko batzuen bizikidetza-denborak; elikadura-pentsioak; etxebizitzaren erabileraren esleipena; konpentsazio-pentsioa; eta hezkuntza- eta bizikidetza-jarraibideekin, seme-alabei arreta ematearekin eta abarrekin lotutako edozein alderdi.
- Bikote-hausturarekin zerikusirik ez duten familia-gatazkak, hauei lotutakoak: adin nagusiko seme-alabekin izaten diren bizikidetza-arazoak; beren senideek mendekotasun egoeran edo -arriskuan dauden helduei arreta eta zaintza ematea; belaunaldien arteko gatazkak, bizikidetza-arazoak edo bestelakoak…
Familia-bitartekaritzatik kanpo geratzen dira bikotearen, seme-alaben edo familia-unitateko edozein kideren aurkako indarkeria edo tratu txarrak dauden kasuak, edo legez kontrakoak izan daitezkeen beste edozein jarduera penal.
Zerbitzuaren helburuak hauek dira:
- Familiako gatazkei aurre egiten eta komunikazioa errazten laguntzea
- Akordio adostuak bultzatzea
- Kostu emozionalak minimizatzea
- Familiako harremanen judizializazioa saihestea.
Arlo sozial, psikologiko eta juridikoan diziplinarteko bitartekari familiarrek osatzen dute taldea.
Nork jaso dezake zerbitzu hori?
Familia edo bizikidetza-gatazkaren bat duten pertsonak.
Zein baldintza zehatz bete behar dira zerbitzua eskatzeko?
- Inplikatutako pertsonen artean familia- edo bikote-lotura egotea.
- Inplikatutako pertsonetako bat gutxienez erroldatuta egotea.
Zenbat balio du zerbitzuak?
Doako zerbitzua.
Nori dagokio zerbitzu hori ematea?
Zerbitzua ematea Eusko Jaurlaritzaren ardura da.
Non eska dezaket zerbitzua?
Araba
945 171 125
smfaraba@euskadi.eus
Gipuzkoa
- Larramendi, 1 (sarrera: Prim, 24) 20006 Donostia-San Sebastián
- Gorosabel Zaharra lokala, Rondilla kalea 34B (Tolosa)
943 576 208
smfgipuzkoa@euskadi.eus
Informazio gehiago
Zure auzo, udalerri edo eskualdeko Oinarrizko Gizarte Zerbitzuetan eska dezakezu informazioa.
Esaiguzu zure udalerria eta harremanetarako lekuak eta datuak adieraziko dizkizugu.