Familia-inguruko zainketei laguntzeko prestazioa (FIZPE)
Pertsona 65+ mendekotasuna > Laguntza ekonomikoak zuretzat edo zure zaintzaileentzat
Fitxa laburtua kontsultatzen ari zara. Hemen informazio osoa.
Zertan datza?
FIZPE Familia Inguruneko Zainketen Prestazio Ekonomikoa mendekotasuna duen pertsonaren etxeko eta familiako baten arretaren gastuak ordaintzeko laguntza ekonomikoa da (3.2.1 fitxa).
Norentzat?
Mendekotasuna duten pertsonak (I., II. edo III. graduak-25 puntu edo gehiago Mendekotasuna Baloratzeko Baremoan
Zenbatekoa da?
Urtean 12 ordainsari ordaintzen dira.
Foru-aldundiek urtero finkatzen dute gehieneko zenbatekoa, eta pertsona bakoitzak jasotzen duen zenbatekoa kalkulatzeko, hainbat faktore hartzen dira kontuan: mendekotasun-maila, gaitasun ekonomikoa, beste zerbitzu batzuk erabiltzea edo antzeko laguntzak kobratzea.
Bateragarria al da beste laguntza batzuekin?
FIZPE ez da bateragarria SAAD Autonomiaren Aldeko eta Mendetasunari Arreta Eskaintzeko Sistemaren beste prestazio ekonomiko batzuekin (Zerbitzuari Lotutako Prestazio Ekonomikoa izan ezik).
Bateragarria da mendetasunari arreta emateko zerbitzu guztiekin, egoitza- edo ostatu-zentroetako egonaldi iraunkorrekin izan ezik. Aldi baterako egonaldia egoitzan eginez gero, laguntza eten egingo da aldi baterako, egonaldia amaitu arte.
Zer baldintza bete behar ditut eskatzeko?
Mendekotasuna duen pertsonaren aldetik:
Mendekotasuna onartua izatea (I., II. edo III. gradua)
Prestazioa eskatu zaion Foru-aldundiari dagokion Lurralde historikoan erroldatuta egotea.
Espainiako nazionalitatea edo Espainiako Estatuan legezko egoitza izatea (adingabeak izan ezik).
Bizigarritasun- eta irisgarritasun-baldintza egokiak dituen etxebizitza bat izatea.
Eskumena duten gizarte-zerbitzuei etxebizitza eskuratzen laguntzea, baldintzak eta inguruabarrak betetzen direla egiaztatzeko.
Zaintzaile nagusiaren aldetik:
Adinez nagusia izatea.
Familiakoa izatea.
Mendekotasuna duen pertsonarekin bizi eta erroldatuta egotea.
Legezko egoitza izatea.
Adin aurreraturik ez izatea, ezta mendekotasun edo desgaitasun (=>%65) onartua, artatutako pertsonak II./III. graduko mendekotasuna badu.
Arreta egokia eskaintzeko gaitasun fisiko eta psikiko nahikoa izatea.
Zaintza-lanak egiteko denbora nahikoa izatea.
Arreta Pertsonalizatuko Planean agertzea.
Gizarte-zerbitzuek zehazten dituzten prestakuntza-ikastaroetan parte hartzeko prest egotea eta gomendioak betetzea.
Non eska dezaket prestazioa?
Zure auzo, udalerri edo eskualdeko Oinarrizko Gizarte Zerbitzuetan.
