Zaintzailea naiz eta laguntza behar dut
Herritar guztiak > Zaintzailea naiz
Fitxa osoa kontsultatzen ari zara. Hemen informazio laburtua.
Zertan datza zerbitzu hau?
Zerbitzu honen bidez, mendekotasun-egoeran edo arriskuan dauden pertsonen familia zaintzaileei aukera ematen zaie etxean pertsonak zaintzeko trebetasunak eskuratzeko eta nork bere burua zaintzeko estrategiak ezagutzeko.
- Honako hauek ahalbidetzea du helburu:
- zaintzaileek eskainitako zainketen kalitatea,
- modu ez-profesionalean zaintzen duten pertsonen bizi-kalitatea,
- beste zaintzaile batzuen erantzukidetasuna,
- nork bere burua zaintzeko eta zaintzeko ezagutzak, jarrerak eta trebetasunak eskuratzea.
Nork jaso dezake zerbitzu hori?
Mendekotasuna duten pertsonen familia zaintzaileak, zaintzaile nagusiak izan edo ez eta adin-mugarik gabe.
Zein baldintza zehatz bete behar dira zerbitzua eskatzeko?
Zaintzaile nagusiak eskaera egiten den udalerrian egon behar du erroldatuta.
Autozainketarako laguntza, informazioa edo prestakuntza behar du, autozainketa-zereginak egiteko.
Zenbat balio du zerbitzuak?
Doako zerbitzua.
Nori dagokio zerbitzu hori ematea?
Zerbitzua ematea udalen ardura da.
Non eska dezaket zerbitzua?
Zerbitzu honetan interesatuta bazaude edo gehiago jakin nahi baduzu, Gizarte Zerbitzuetan lan egiten duten pertsonekin hitz egin dezakezu. Nola funtzionatzen duen eta laguntza hori nola balia dezakezun azalduko dizute.
Esaiguzu zure udalerria eta harremanetarako lekuak eta datuak adieraziko dizkizugu.