Gizarteratzen laguntzeko eguneko zentroa
Gizarte-bazterketa egoeran dagoen pertsona > Eguneko arreta eta gizarteratzeko laguntza
Fitxa laburtua kontsultatzen ari zara. Hemen informazio osoa.
Zertan datza?
Eguneko laguntza-zentroak gizarte-bazterketako egoeran dauden pertsonei eguna pasatzeko leku bat eta haien inklusioa errazteko laguntza eskaintzen die (2.2.3 fitxa).
Horretarako, bazterkeria jasaten duten pertsonek banakako laguntza jasotzen dute laneratze-programa integral batean, zeinak jarduera okupazionalak, hezkuntza-jarduerak, terapeutikoak eta gizarteratze- eta laneratze-jarduerak barne hartzen baititu. Erizaintzako arreta, otorduak, garbiketa, kontsigna, higiene pertsonala edo garbitegia ere barne har ditzakete.
Baliabide malguak eta irekiak dira, eguneko ordutegi zabal batean.
Norentzat?
18 eta 64 urte bitarteko edo gehiagoko pertsonak, gizarte bazterketa egoeran daudenak.
Zenbat balio du zerbitzuak?
Doako zerbitzua da.
Zer baldintza bete behar ditut eskatzeko?
18 eta 64 urte bitartean izatea.
6 hilabetez erroldatuta egotea.
Gizarteratzeko eta laneratzeko ibilbidearekin edo ibilbide okupazionalarekin konpromisoa hartzea.
Intentsitate ertain edo handiko laguntza behar izatea gizarteratzeko ibilbide bat egiteko.
Non eska dezaket zerbitzua?
Zure auzo, udalerri edo eskualdeko Oinarrizko Gizarte Zerbitzuetan.
